ثانوية عامة

رسالتي لكل طالب ثانوية عامة بعد إعلان النتيجة ؛

✉️ عزيزي طالب الثانوية العامة : ( Move On ) .

أيوة هي دي رسالتي ليك : (موووووڤ أون يا بطل) .

يعني يا عزيزي لو نجحت بمجموع كبير يبقى ده مجهودك و أكيد أنت تستاهل .. براوفو 👏🏻 و ألف ألف مبروووك 🥳🎉🎊 و موووووڤ أون يا بطل لأن : "نهاية كل نجاح عظيم هي بداية لنجاحات ما أعظم" ✨و طبعاً متنساش تشكر ربنا أنه كرمك و وفقك و تفضل عليك بفضله ﷻ في الأول و في الآخر .. مش بمجهودك يا بطل 🫂

أما بقى يا عزيزي لو نجحت بس مجموعك مش عاجبك فبرضو ده مجهودك و أنت عارفين كويس اللي كنت بتعمله طول السنة، و ألف ألف مبرووك 🥳🎉🎊 يا بطل لأنك تخطيت المرحلة دي من حياتك ... عاش بجد 👏🏻💪🏻 و موووووڤ أون برضو 😁 لأنك تقدر تحقق نجاحات تانية كتير في أماكن مختلفة 🤝🏻 بس ياريت المرة اللي جاية تبذل مجهود أكبر من المرة دي و تركز بشكل أفضل علشان تحصل على نجاح أكبر بكتير، و متنساش برضو تشكر ربنا لأنك لولا فضل الله ﷻ عليك مكنتش هتقدر تتخطى المرحلة دي، ليه ؟! لأنه مش بمجهودك يا بطل 🤝🏻

أما بقى لو أنت من الطلاب اللي جابوا ملاحق أو من الطلاب اللي سقطوا .. فأحب أقولك أنت بطل الأبطال، بجد .. أنت مش بطل عادي، لأ .. أنت بطل خارق 🦸🏻‍♂️✨ عارف أنت ليه بطل خارق لأنك إمتحنت و حاولت و عارفرت و تعبت و عملت كل اللي تقدر تعمله حتى لو قصرت كتير، افتكر أن مجرد محاولتك فهي في حد ذاتها عمل بطولي منك، و مش عايز أكرر أن ده برضو أكيد مجهودك و أنك أكيد عارف كويس أنت كنت بتعمل إيه طول السنة، و حابب أفكرك برضو أنه : { وَ لَا يَظْلِمُ رَبُّكَ أَحَدًا } و برضو هقولك موووووڤ أون يا بطل 🤝🏻💪🏻 و شوف إيه اللي أنت قصرت فيه المرة دي و ابذل كل جهدك عشان متقصرش مرة تانية، و استعن بالله و لا تعجز، و لازم تعرف كويس أن #الثانوية_العامة هي مجرد مرحلة و أن نجاحك من عدمه في المرحلة دي لا يعني نجاحك أو فشلك المطلق 🤷🏻‍♂️ و لازم تعرف كويس جداً أن كل مرحلة في حياتك بتعتمد على مجهوك في المرحلة نفسها فياريت متقارنش بين مرحلة الثانوية العامة و ما بعدها من مراحل حياتك لأنك بجد تقدر تحقق نجاحات كبيرة و عظيمة جداً لو قدرت تعرف أنت مميز في إيه و بدأت تبذل كل جهدك فيه ✨ حبيبي أنت بالذات اوعى تزعل .. أنت بطل بجد و بطل الأبطال كمان بس أنت محتاج تكتشف نفسك بنفسك، و متنساش تشكر ربنا كتيررررر جداً لأن أكيد ده الخير ليك و خليك متأكد أن ربنا ليه حكمة في كدا ﷻ 💖

عزيزي طالب الثانوية العامة اوعى في يوم من الأيام تنسى رسالتي ليك 👇🏻

✉️ أيوة بالضبط كدا ( Move On ) 🙈😁🤷🏻‍♂️🤝🏻🫂

#أيمن_الزمبيلي 

#Adam

#AymanZembely

August 18, 2021