" لا تعطيني نصيحة ، و لكن دعني أطلبها منك " يعني إيه الكلام ده ؛يعني : وفر نصيحتك لفنسك لغاية م أطلبها منك ،أو بالبلدي كدة : خليك في كوزك لما نعوزك ، و ده لأن النصيحة بتتطلب عادي جداً و مش من المفروض أنك تنصح حد منغير مبيطلب النصيحة أصلاً .ليه بقى الكلام ده ؛ لأن ببساطة جداً مش المفروض إني آخد نصيحة من أي حد ماشي في سكة تانية غير السكة اللي أنا ماشي فيها و بخطط لها ، فطبيعي جداً إني مسمعش نصيحة أي حد مهواش رول مودل بالنسبة لي ،مثلاً : أنا مش مضطر أسمع نصيحة من الأستاذ الدكتور المهندس رئيس الهيئة العليا لإنشاء و تنفيذ مشروع أبولو الموازي لهرم خوفو الأكبر و المخطط لضمه لعجائب الدنيا اللي مش عارف كام .. لأني ببساطة كدة مدرستش و لا ناوي أدرس هندسة مباني فبالتالي كل نصايحك سواء مهنية أو حياتية أو حتى أخلاقية ... كلها متفعنيش و ده لأنك ليك لايف ستايل و كارير مختلف تماماً عن اللي بخطط له أصلاً ف الأفضل توفر نصايحك لفنسك يا بشمهندس و خليك في الطوب و الزلط بتوعك ، مثال تاني : مينفعش تكون أنت مدرس سواء في مدرسة أو جامعة أو أينما كنت و تبدأ تتحفني بنصايحك الجهنمية و تسرح بنفسك و كأنك لقمان الحكيم .. أنت مش رول مودل بالنسبة أصلاً لأني مش مخطط للعمل كمدرس .. أنت مجرد أداة مساعدة لمحاولت تبسيط جزء بسيط من العلم .. لا أكتر و لا أقل ، و أكيد لو محتاج نصيحة مش هطلبها من حضرتك ببساطة كدة لأن علاقتي بيك متعلقة بالجزء البسيط من العلم ده .. لا أكتر و لا أقل ، نيجي بقى لفلاسفة العصر و كل العصور و الأزمان .. الجماعة اللي عدوا سن ال70 اللي بيبدءوا بقى يلبسوا عباءة الرجل الحكيم بعد السن ده و يبدءوا بقى ينصحوك بأن العمر جري بيهم و أهو أيام و بنقضيها و اسمع مني و أنا أكبر منك و ياما شوفت كتير و اللي أكبر منك بيوم يعرف عنك بسنة و الكلام اللي ملوش أي أساس علمي على الإطلاق ده .. ف أحب أقولك ياعم الحاج يا اللي طلعت ع المعاش و بتنزل تبقبض معاشك كل أول شهر و تتحفني بنصايحك دي لو ركبت معاك في الميكروباص ؛ خلي نصايحك لنفسك لأني لو ربنا طول في عمري و وصلت لسنك فأكيد مش مخطط إني أنزل أركب ميكروباص و أقف في طابور عشان أقبض شوية ملاليم .. أكيد ليا خطة مختلفة تماماً و أنت بالنسبة لي في طريق مختلف عن الطريق اللي بخطط له أصلاً يا عم الحاج 🤷🏻♂️ نصيحتي بقى للي وصل هنا و قرأ الكلام اللي فات ده ، متاخدش بنصيحتي بقى لو أنا مش رول مودل بالنسبة لك و اعتبر نفسك مقريتش الكلام ده 😁 بس كدة 🤦🏻♂️
#أيمن_الزمبيلي
#AymanZembely
